Алтынсарин академиясының президенті Ғани Бейсембаев пен Халықаралық ақпараттық технологиялар университетінің ректоры Асқар Хикметов кездесті.

Кездесу аясында робототехника бойынша бірыңғай бағдарламаны бірлесіп әзірлеу, ақпараттық портал құру, білім беру жүйесіне VR-технологияларды енгізу бойынша зерттеу жұмыстарын жүргізу, сондай-ақ бірлескен ғылыми жобалар мен бағдарламалар дайындау мәселелері талқыланды.

Екі тарап қызмет бағыттары бойынша ынтымақтастық туралы меморандумға қол қою туралы келісімге келді.