2025 жылғы 27 тамызда Ы. Алтынсарин атындағы Ұлттық білім академиясының ұйымдастыруымен «Келешек мектептерінің» басшыларымен жаңа оқу жылын ұйымдастыру мәселелері бойынша жиын өтті.

Жиынды Академия президенті Нәзипа Аюбаева ашып, «Келешек мектептері» жобасының даму стратегиясын таныстырды. Ол жаңа үлгідегі мектептердің басты мақсаты – заманауи талаптарға сай білім беру ортасын қалыптастыру екенін атап өтті.

Академия «Келешек мектептері» үшін мына бағыттарда жүйелі қолдау көрсетеді:

- оқу-тәрбие үдерісіне әдіснамалық және мазмұндық сүйемелдеу;

- цифрландыруды дамыту;

- басшылар мен педагогтерді тағайындауды келісу;

- білім беру қызметін зерделеу және талдау.

Күн тәртібінде 2025-2026 оқу жылында оқу-тәрбие процесін ұйымдастыру ерекшеліктері, «Адал азамат» біртұтас тәрбие бағдарламасын енгізу, сондай-ақ жасанды интеллектіні білім беру процесіне енгізу мәселелері қаралды.

Ы. Алтынсарин атындағы Ұлттық білім академиясы «Келешек мектептері» арқылы Қазақстандағы орта білім беру жүйесінің жаңа сапалық деңгейін қамтамасыз етуге бағытталған жұмыстарды жалғастырады.