Қазақстан Республикасы Оқу-ағарту министрлігі Ы. Алтынсарин атындағы Ұлттық білім академиясының аға ғылыми қызметкері А. Нургалиева «Sustainable Korean Language Education in the Big Data Era» атты 23-ші халықаралық корей педагогтері конференциясына қатысты.

Іс-шараға 23 елден 200‑ден астам педагог, әкімші және білім саясаты саласындағы сарапшылар жиналды. Талқыланған негізгі мәселелер: тіл білім беру әдістемелері, ұлттық оқу бағдарламаларының ерекшеліктері, корей тілін шетелде ілгерілету мен әдістемелік қолдау.

Арнайы назар мәдениет пен философияның білім беру кеңістігін қалыптастырудағы рөліне, сондай‑ақ жасанды интеллект пен цифрлық шешімдерді мектеп тәжірибесіне енгізуге аударылды.

Конференция қатысушылары цифрлық технологияларды, соның ішінде жасанды интеллектіні кеңінен қолданатын заманауи YISUNSIN HIGH SCHOOL жоғары мектебіне, сондай-ақ Кореяның жетекші университеттерінің бірі – Yonsei University тіл институтына барды. Yonsei University SKY рейтингіне (Seoul National, Korea, Yonsei) кіретін беделді үштіктің мүшесі болып табылады және QS World University Rankings әлемдік тізімінде 50-орынды иеленген.

Конференция білім беру саласындағы тәжірибе алмасу мен халықаралық ынтымақтастықты нығайтуға арналған құнды алаң болды.