Ы. Алтынсарин атындағы Ұлттық білім академиясының президенті Мадина Тыныбаева Қостанай облысы әкімдігі білім басқармасының «Әдістемелік орталық» КММ және Қостанай қаласы физика-математика бағытындағы НЗМ-мен бірлесіп ұйымдастырған «Бағалау және академиялық адалдық: сын-қатерлер мен перспективалар» атты II облыстық ғылыми-практикалық конференциясына қатысты. Академия басшысы конференцияның пленарлық бөлімде «Цифрлық дәуірдегі академиялық адалдық» тақырыбы аясында академиялық адалдықтың негізгі түйіндері, оны нормативтік-құқықтық, институционалдық және әдістемелік қамтамасыз ету туралы сөз сөйледі. 

Сонымен қатар 2025 жылғы 31 наурызда Академия президенті Жамбыл облысының оқу-әдістемелік орталығы ұйымдастырған «Республикалық педагогикалық тәжірибе алмасу» әдістемелік алаңын ашу іс-шарасына қатысты. Аталған іс-шараға Жамбыл, Қызылорда, Алматы, Жетісу облыстарынан 200-ден астам әдіскер мен педагог қатысып, озық тәжірибелерімен бөлісті.