Пленарлық отырыста ауыл мектептерін дамыту мен оларға оқу-әдістемелік қолдау көрсету жолдары; ауыл мектептері мұғалімдері мәртебесі; ұлттық  тәрбие; цифрландыру дәуіріндегі педагог рөлі; ауыл мектептері білім алушыларының белсенді азаматтық ұстанымын қалыптастыру; білім сапасын басқарудың каскадты моделін дамыту; білім алушыларда эмпатия мен эмоционалды интеллекттің дамуы тақырыбында баяндамалар тыңдалды. Сонымен қатар конференцияға қатысушылар ауыл және шағын жинақты мектептердің қазіргі өзекті мәселелерін талқылап, оларды шешу жолдары мен тетіктері туралы өз ұсыныстарын ортаға салды.