Соңғы бес жыл межесінде мемлекеттің орта білім беру саласы сапасын дамыту мақсатында атқарылған ауқымды іс-шаралары туралы «Егемен Қазақстан» газетінде «Ұлт келбеті – ұстаз. Бес жылдың берекелі белестері» атты Оқу-ағарту министрі Ғани Бейсембаевтың мақаласы жарық көрді. 

Алтынсарин академиясының ұжымы аталған мақаланы талқылады. Жарияланымда әрбір оқушының сапалы білім алып, жан-жақты дамуына қолайлы жағдай жасау үшін ел Президент Қ.К. Тоқаевтың бастамасымен қолға алынған «Жайлы мектеп» ұлттық мега жобасы, педагог қауымының жиырма жыл күткен «Педагог мәртебесі туралы» заңы ерекше орын тапқан. Сонымен қатар мақалада орта білім беру саласындағы инфрақұрылымдық даму бойынша талдамалық деректер келтіріліп, мектеп жасындағы өрендеріміздің  халықаралық олимпиадалар мен зияткерлік жарыстардағы нәтижелері де ұсынылған.

Мақаланың толық мазмұнымен Академия сайтында немесе келесі сілтеме арқылы таныса аласыздар - https://uba.edu.kz/ru/news_inner/393