Академия мен «БІЛІМ – ИННОВАЦИЯ» халықаралық қоғамдық қоры ынтымақтастық туралы меморандум жасасты.

Ол білім беру жүйесінде ғылыми-әдіснамалық, ұйымдастыру-әдістемелік іс-шараларды бірлесіп орындауға, ғылыми жобаларды іске асыруға бағытталған әріптестік қатынастарды орнатуға және ұзақ мерзімді тиімді ынтымақтастықты дамытуға бағытталған.

Меморандум мына бағыттар бойынша ынтымақтастықты көздейді:

• қор мектептерінің білім берудегі инновациялық тәжірибені, ғылыми-зерттеу нәтижелерін анықтауға эксперименттік алаң ретінде қатысуы;
• бірлескен ғылыми-зерттеу жұмыстарын ұйымдастыру және жүргізу;
• бірлескен ғылыми-әдістемелік және оқыту семинарларын, біліктілікті арттыру курстарын ұйымдастыру;
• бірлескен жобалар мен бағдарламаларды енгізу, сондай-ақ қоғамдық маңызы бар іс-шаралар өткізу және т. б.

Меморандумға Академия президенті Ғани Бейсембаев пен «БИЛ» ХҚО президенті Дархан Өте қол қойды.