Алматы қаласында Қазақ Ұлттық қыздар педагогикалық университеті және Абай атындағы ҚазҰПУ өкілдерімен МЖМБС пен Үлгілік оқу бағдарламалары мазмұнын талқылау кездесуі болып өтті. 

Алтынсарин академиясының вице-президенті Руслан Қаратабанов кездесуге қатысушыларға МЖМБС пен Үлгілік оқу бағдарламалары білім мазмұнының ерекшеліктерін таныстырды. Атап айтқанда, білім беру салалары бойынша оқыту нәтижелерін, қоса алғанда МЖМБС-ті қолдану, пәндердің мақсаты мен міндеттері, оқу бағдарламаларының функционалдық сауаттылығы, бірізділігі мен сабақтастығын қалыптастыруға бағытталған контентті біріктіру, сонымен қатар олардың білім алушылардың жас және физиологиялық ерекшелігіне сәйкестігі мәселелерін талдады.