Ақтөбе облысында 2023-2024 оқу жылының басынан бері «Цифрлық технологияларды пайдалана отырып, шағын жинақты ауыл мектептерінің әлеуетін дамыту» пилоттық жобасы іске қосылды. Ы.Алтысарин атындағы Ұлттық білім академиясының ақпараты бойынша, жоба аясында 134 шағын жинақты мектеп (66%), 5304 оқушы, 223 мұғалім қамтылды. Цифрлық технологияларды қолданумен білім беру 5 пән, яғни ағылшын тілі, физика, химия, математика, биология пәндері бойынша жүзеге асырылуда.