Алтынсарин академиясының Психология, тәрбие және тұлғаны дамыту орталығының қызметкерлері мемлекеттік қызметшілерге арналған Біртұтас тәрбие бағдарламасы семинарының практикалық бөлігін өткізді.

Практикалық тапсырмалар кейстерді талдау түрінде ұсынылды және оқушыларды тәрбиелеудің қолайсыз салдарын шешуге бағытталды. Іс-шараға қатысушылар әлеуметтік желілердегі құмар ойындар, жәбірлеу, ерте жүктілік, темекі тарту және электронды темекі шегу, нашақорлық және т.б. тақырыптарды қарастырды. Сонымен қатар семинарға қатысушылар тәрбие процесіне әсер ететін әлеуметтік, экономикалық және педагогикалық факторларды анықтады, ұсынылған жағдайлардың әрқайсысы бойынша ұсынымдар мен ұсыныстарын ортаға салып талдады.