Ы. Алтынсарин  атындағы ҰБА вице-президенті Руслан Қаратабанов Самарқанд қаласында Түркі мемлекеттерінің ұйымына қатысушы елдердің білім министрлерінің VII кездесуіне қатысты. 

Түркі мемлекеттерінің ұйымдарына қатысушы елдердің білім министрлерінің кездесуі 2012 жылдан бастап жыл сайын өткізіліп келеді және түркі мемлекеттерінде мектепке дейінгі, мектеп және жоғары білім беруді одан әрі дамыту мәселелерін талқылауға бағытталған.

Кездесуге қатысушылар бауырлас мектептердің серіктестік бағдарламаларын жүзеге асыру жолдарын, ЮНЕСКО-ның Ташкент декларациясына қатысушы елдердің іске асырылуын және мектепке дейінгі білім беру перспективаларын, пәндік олимпиадаларды кеңейту мүмкіндіктерін талқылады.

Тараптар осы бағыттар бойынша ұлттық білім беру жүйелерін жақындастыру бойынша белгілі бір жұмыс істеу қажеттігі туралы уағдаластыққа келді.